| ÇAMËRIA |
| Publikuar më 25 tetor, 2012 në orën 23:39 ( ) |
Prof. Abdyl Kadolli | Kulturë | |
|
|
|
.
ÇAMËRIA
Çamëria, kjo degë e çarë
E ullirit me mijëra unaza
Pret dorën time për ta vjelë
Është këngë e lashtë e fisit
Kaon, Molos, Thesprot
E mbretit shqiponjë Pirro
Dodona ime pellazge
Me Zotin tim Shqip
Dhe lisin e fatit
Çamëria, kjo muzë hyjnore
Me thërret me zërin e Sulit
Mjaulit, Babulinës, Boçarit...
Nuk do të vajtoj për ty, Çamëri
Me dallgët e Jonit të mbytur
Trishtimin e Bilal Xhaferrit
Kam marrë udhën për Janinë
Nuk jam vetëm...
Udhëtoj me ty në sy
Do ta kapërcej Qafën e Botës
Urën e Artës ta shaloj
Sytë t’i laj në Thyamis
Kur të dal te Guri i Prevezës
Do të shkruaj epigramin
Me shkronja gjaku
Në amfiteatrin e Dodonës
Shqipet do të vallëzojnë
Fustanellën e dritës
Këtu edhe gurët flasin shqip
Era ligjëron arbërisht
Joni shkumon pellazgjisht
Do të të marr në gji, Çamëri
Bukurezë e Jonit
Dashuri e gjakut tim.
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
