| Mehmet Elezi: " Ndjej lumturi që jam një medvegjas" |
| Publikuar më 07 nntor, 2013 në orën 17:00 ( ) |
Të ndryshme | |
|
|
|
Kryesia e SH.H. "Medvegja", me qendër në Fully të Zvicrës, vizituan ambasadorin e Shqipërisë në Bern z.Mehmet Elezi
"I çmuar ambasador Elezi, fjalët tona janë të qëndisura nga shpirti, prandaj, shumë, e shumë faleminderit për përkrahjen tuaj dhe të ish kryeministrit Berisha dhe gjithë kabinetit të tij. Ne me Ty, ishim më të fortë, dhe do ta ruajmë në vendin më meritorë, mu në sofrën e shpirtit përkrahjen tuaj".
Se, Shoqata Humanitare "Medvegja" me qendrën e saj në Fully të Zvicrës, është e mirëpritur tek veprimtarët më me zë në atdhe, kjo është e ditur, por kjo shoqatë, me kryesinë e saj të tanishme, por edhe ato të më hershmet, është e mirëpritur dhe mirëpritet edhe në diasporë, kudo në ato vende, që është disktuar për unitet, bëmirësi dhe për të mirën e atdheut në përgjithësi. Edhe pse, jeta e mërgimtarit dita ditës po vështirësohet, nga ngarkesat e shumta që i krijohen, në punë, familjen e ngushtë dhe të gjerë, ajo gjenë kohë, edhe për të vepruar e ndihmuar pa ndërprerë në atdhe e për vendlindje. Medvegja, ajo tokë shqiptare, e cila është në ate situatë, që e dijmë thuajse të gjithë, ka mirëpritur, jo më pak se tre dekada ndihma nga mërgimtarët e konkretisht nga këta veprimtarë medvegjas që kanë qenë, apo janë rreth bashkimit për një Medvegjë të vërtet shqiptare. Nuk mundemi ta përshkruajmë më mirë Medvegjën, se sa presidenti historikë i Kosovës Dr.Ibrahim Rugova, i cili ndër të tjera kishte potencuar: "Medvegja është historia e Dardanisë, është trolli më i lasht Dardan, është etniteti më i lashtë shqiptar, që duhet të mbrohet dhe ringjallet vetëdija e lashtësisë tonë. Medvegja është nyja ku nisë dhe mbrohet Dardania, ajo është flamuri i Dardanisë". Nuk e di dhe nuk mundemi të përshkruajmë më mirë një histori të tërë të Medvegjës, se sa këto fjalë të arta të presidentit historik të Kosovës Dr.Ibrahim Rugova. Shoqata Humanitare "Medvegja" me qendrën e saj në Fully, është një zë i fuqishëm për Medvegjën. Kryesia e kësaj shoqate, nuk priton për të marrur pjesë nëpër shumë manifestime e ngjarje që organizohen qoftë në Diasporë apo në Kosovë, vetëm e vetëm, që të dëgjohet zëri i Medvegjës. Kjo shoqatë, rreth vetes siç e dijnë të gjithë ka veprimtarë të dëshmuar, të cilët nuk dijnë të ndalen dhe nuk mundet ti thej askush, sepse janë të bashkuar rreth vetes dhe nuk rrahin gjokse se kanë bërë diçka, por e lëjnë në heshtje, që të tregohet vepra e jo fjalët. Menjëherë me të kuptuar, se Ambasadori i Shqipërisë në Bern të Zvicrës, z.Mehmet Elezi, po e përfundon mandatin e tij si ambasador në këtë shtet mik të kombit tonë, i dërguan një letër falënderimi përmes emailit, duke e falënderuar nga zemra, ku do ta japim në tërësi në këtë shkrim, se si kjo kryesi e shoqatës dhe anëtarët e saj, i drejtohen ambasadorit Elezi, i cili ka përkrahur në maksimum këtë shoqatë dhe medvegjasit në përgjithësi, i cili asnjëherë, nuk ka dashur ti anashkaloj, por gjithnjë i ka frymëzuar dhe uruar për punën e tyre shembullore që kanë bërë dhe që po bëjnë.
Ja se cili është mesazhi i kryesisë së Shoqatës Humanitare "Medvegja", dërguar ambasadori Elezi, ditë më parë:
"Përshëndetje të përzemërta, të sinqerta dhe vëllazërore i nderuar z.Ambasador i shtetit shqiptarë Mehmet Elezi,
Këtë përshëndetje ta përcjell, që nga mërgimtari më i vogël i Medvegjës e deri tek ai më i vjetri. Nuk dua të marrë kohë shumë i respektuar z.Ambasador Elezi, por, nuk po mundem asesi, të mos i shkruajmë dy tre fjalë, që kanë dal nga shpirti i Medvegjësve.
Sado, që të falënderojmë për punën madhore që e ke bërë, përsëri mbetemi të varfër përmes shkrimit, sepse shpirti jonë dhe zemra, thotë shumë e më shumë, e kjo më shumi, është Perendia të bekoftë Ty dhe familjen, e përkulemi për modestin tuaj dhe për miqësinë e madhe që na ke dhënë. I nderuar z.Ambasador, e di se do na mungosh shumë, të betohemi se shumë do na mungosh, sepse për këto tridhjetë vjet sa jemi në Zvicër dhe që nuk jemi ndalur së punuari për atdheun tonë, nuk kemi mundur të gjejmë mbështetje më të madhe, se sa nga Ti, nga TI i respektuar z.Ambasador Elezi.
I buzëqeshur, mik i madh i gjithë shqiptarëve, je munduar që të na mbështesës, të na japësh vullnet dhe ne do të falënderohemi me dorën në zemër: "Shumë faleminderit z.Ambasador, do të jesh miku më i madh i mërgimtarëve medvegjas, kurrën e kurrës, nuk do të harrojmë, prandaj, njëzëri, të kemi zgjedhur edhe Qytetar nderi të Medvegjës dhe të kemi sjellur flamurin tonë kombëtarë nga Medvegja shqiptare, që atje, siç e dini, nuk valon lirshëm për arsye të njohura. Ky flamur, me rastin e ditës së pavarësisë së Shqipërisë, tu dha, dhuratë në Fully të Valisit, nga shpirti i medvegjasëve, që e duan veten, vendlindjen, e atdheun në përgjithësi dhe të çmojmë shumë Ty.
I çmuar ambasadorë Elezi, fjalët po i gjejmë nga fundi i zemrës, aty ku është sinqeriteti, të lutem, na prano këto falënderime, dhe lutemi tek perendia, që të jap jetë të gjatë Ty dhe familjes, e njëherit, shumë suksese në të gjitha sferat e jetës. Na ke pritur shumë mirë në Ambasadë dhe na pate thënë: "Ndjehuni sikur në shtëpinë tuaj, se kjo ambasadë është shtëpia e çdo shqiptari". Ua them me sinqeritet, se nuk do na mungojnë edhe lotët, lotët falënderues, sepse, të patëm një mik të madh, e do të kemi edhe në të ardhmen, por, ja që, më në Zvicër nuk do të kemi, por, më kryesorja, sa herë që të përmendim Shqipërinë, mendja do na shkoje tek Ti, tek Ti, si mik i madh i medvegjasëve. E di, se do ta kemi derën e hapur tek Ti, ashtu sikurse edhe Ti përgjithmonë tek Ne. I çmuar ambasadorë Elezi, nuk mundemi të fshehim edhe takimin e parë që patëm me Ty, që na mundësoi studenti jot Mr.sci.Dashnim Hebibi nga Presheva, njëherit ambasador i Paqes, i cili na bëri të mundur që të vijmë tek Ti dhe Ti menjëhere, na hape rrugën e miqëisë, rrugën e bashkëpunimit. E dijmë, se edhe vetë të kishim ardhur do na pritësh, sepse Ti ke shpirt të pastërt, por Dashnimi, sa herë që të ka përmend, fliste me dashuri të jashtëzakonshme për Ty, me respektin më të lartë të mundshëm, sepse, Je ai, që i ke dhënë vullnet shumë edhe studentëve jashtë kufinjëve aktual të Shqipërisë, duke i dashur dhe motivuar, e njëri nga ta, është edhe vendasi ynë Dashnimi. I çmuar ambasador Elezi, fjalët tona janë të qëndisura nga shpirti, prandaj, shumë, e shumë faleminderit për përkrahjen tuaj dhe të ish-kryeministrit Berisha dhe gjithë kabinetit të tij, ne me Ty ishim më të fortë dhe do ta ruajmë në vendin më meritorë, mu në sofrën e shpirtit përkrahjen tuaj. Perendia të bekoftë Ty, familjen, ish kryeministrin Sali Berisha dhe gjithë ish kabinetin Berisha dhe gjithë shqiptarët. E dijmë shumë mirë, se vendin tuaj, nuk ka kush, që ta zëj dhe neve do na mungosh për jetë të jetëve, por, mbetemi me shpresë, se do të kemi edhe në të ardhmen një Medvegjas të denjë. Respekte të përzemërta, jetë të gjatë e gjitha të mirat. Dora në zemër, të përqafojmë dhe mirupafshim në gëzime.
Në emër të Shoqatës Humanitare "Medvegja"-Fully (Valis), Zvicër, Zenel Neziri.
Por, menjihere, pas kësaj letre të përzemërt, kryesia e shoqatës, e konkretisht kryetari i shoqatës z.Zenel Neziri, mori një telefon nga ambasadori dhe u falënderua për këto fjalë dhe mesazh të medvegjasëve. Kryesia e shoqatës, ditë më parë, unanimisht, në emër të të gjithë anëtarëve të kësaj shoqate, e vizituan ambasadorin Elezi dhe qytetar nderi të Medvegjës, në ambasadë dhe aty bashkëbiseduan për shumë tema. Në këtë vizitë ishte, Zenel Neziri, kryetar i shoqatës, veprimari Ismet Selmani, ish kryetar dhe bëmirës i njohur, Fadil Selmani sekretar i shoqatës, Dr.Llukman Halili, Mr.sci.Dashnim Hebibi. Ambasador Elezi, ashtu si gjithmonë mikëpritës me stafin e tij, mirëpriti Medvegjasit me fjalë zemre, i cili ndër të tjera tha: "Mirë se keni ardhur të nderuar vëllezër, të një gjaku, gjuhe e kombi. Ju jeni veprimtarë të çmuar, nuk jeni ndalur bashkë me gjithë mërgimtarët e tjerë medvegjas për të mirën e atdheuut, jo vetëm për Medvegjë, Kosovë, por edhe për Shqipëri, për këtë jam i njoftuar. Ju falënderoj që keni ardhur. Jam shumë i nderuar, që pas vendlindjes sime, jeni ju si shoqatë, që në emër të krysisë dhe anëtarëve tuaj, më keni shpallur qytetar nderi, u jam shumë mirënjohës. Gjithashtu, në ato momente, kujtoj edhe kur më dhuruat flamurin kombëtarë, që kishte ardhur nga Medvegja, e unë do ta ruaj me shpirt. Jam munduar të kryej punën time si është më së miri për shtetasit e Shqipërisë, por në anën tjetër, kam përkrahur edhe punën e çdo shqiptari për të mirën e atdheut. Ky shtet, siç është Zvicra, është i bekuar nga perendia, sepse nga ky shtet kemi bërë shumë, ky shtet, ju ka mundësuar që të realizoni ëndrrat tuaja. E çmoj, veprimtarinë e shoqatës bëmirëse, që nuk jeni ndalur asnjëherë, ju falënderoj edhe për ftesat që mi keni bërë për të marrur pjesë në manifestimet tuaja, që i organizoni për ditën e flamurit, pavarësisë së Kosovës, etj, etj, kjo më ka nderuar dhe jam munduar, që të jem prezent, por natyrisht, jo gjithmonë të jem mes jush fizikisht, sepse fatbardhësisht në Zvicër, të gjithë shqiptarët janë mirë të organizuar dhe të integruar dhe doja, që ti nderoj të gjithë, ata që po punojnë për të mirë. Kjo më ka bërë nderë, sepse tek të gjithë gjeja mbështetjen dhe jam pritur si është më së miri. Gjithashtu, më ka lënë përshtypje uniteti juaj në këtë shoqatë, keni një rini të shëndoshë, jeni bashkë gjtihmonë, të pathyeshëm e shumë të organizuar, e pastaj, kur shihja personalitete të njohura zvicerane në mesin tuaj, kjo më bënte të mburrem, sepse, duhet të kemi miqësi të përhershme me zviceranët, me këta miq të mëdhenj të shqiptarëve. Ju jeni të integruar mirë në këtë shoqëri zvicerane, jeni punëtorë të zellshëm, e bëmirës të respektuar. Shpresoj shumë, se një ditë të afërt, do ta vizitoj edhe Medvegjën, Bujanocin dhe Preshevën. Atje kam shumë miqë dhe gjithsesi do të vij e t`ju takoj të bashkuar". Kryetari i SHH "Medvegja", z.Zenel Neziri, në emër të kryesisë, e anëtarëve të shoqatës, përcolli përshëndetjet e përzemërta të të gjithë medvegjasëve edhe të të rinjëve, e sidomos nga SH.K. A "Medvegja", me drejtuesin e saj Musa Neziri, të cilët, nuk do ti harrojnë asnjëherë vizitat e ambasadorit Elezi në manifestimet e medvegjasëve. Z.Neziri ndër të tjera tha: "Z.Ambasador, ne të kemi çmuar e do të çmojmë përgjithmonë. Ne jemi më të lumturit, që të kemi edhe qytetar nderi të Medvegjës. Ju e keni parë dhe kuptuar më së miri punën tonë që bëjmë në shoqatë, e cila është në tërësi humanitare. Ne jemi munduar të gjithë, nga pak sa kemi pasur mundësi të ndihmojnë në periudha të ndryshme në çdo pjesë të tokës shqiptare. Është dhunti e perendis, që na ka dhënë dhe u ka dhënë anëtarëve tanë, që natën ta bëjnë dritë dhe me të gjitha mundësitë që kemi, të mos ndalemi për të ndihmuar. Ne të falënderojmë shumë, që ishe prezent në mesin tonë dhe do të kemi mik të madh të Medvegjës. Ne e kemi kuptuar punën tuaj që ke pasur dhe e çmojmë shumë, sepse ke përfaqësuar shtetin shqiptarë në këtë shtet mik të kombit tonë Zvicrës, me një përgaditje të madhe, ku edhe shumë personalitete zvicerane, që kemi kontaktuar ne, na patën thënë fjalët më të mira të mundshme për Ju, e ne natyrisht, krenoheshim. Ne erdhëm bashkë me Ismetin dhe Fadilin, natyrisht, se dëshironin të gjithë anëtarët e kryesisë të jenë prezent, pastaj edhe anëtarët, por, ne po përcjellim mesazhin e të tjerëve, se je dhe do të mbetesh në zemrat tona, miku jonë i çmuar dhe njëherit ambasadori ynë më i përzemërt e qytetar nderi i Medvegjës. Ne mbetemi me shpresë, sikurse që ke dhënë kontribut për Medvegjën edhe para se të jesh ambasadorë, do të japësh edhe në të ardhmen. Ne të ftojmë, si qytetarë nderi të Medvegjës, që të na vizitosh dhe ne do të presim me zemër hapur, se Medvegjasit të çmojnë dhe do të çmojnë përgjithmonë. " Edhe veprimtari Ismet Selmani, e njëherit edhe për disa vjetë me radhë ish kryetar i shoqatës, me disa fjalë të bukura, falënderoi për modestinë që ka ambasadori Elezi dhe për përkrahjen e vazhueshme që e ka dhënë për shoqatën dhe Medvegjën në tërësi. Sado që të mundohem të falënderoj, prap më duket se mbetem i varfër me falënderime, por të uroj në emër timin dhe të familjes sime, shëndet e jetë të gjatë Ty dhe familjes". Ndërsa Fadil Selmani, sekretar i shoqatës, e njoftoi ambasadorin me daljen në dritë në Monografisë së Shoqatës "30 vjet në shërbim të kombit", ku në këtë monografi me shkrim dhe foto, shihet edhe ambasadori Elezi dhe z.Selmani ndër të tjera tha: "z.Ambasador, më lejoni, që në emër të kryesisë dhe anëtarëve të shoqatës, të dhurojmë këtë monografi, ne e dijmë, se ju më mirë se gjithkush, do ta vlerësoni punën modeste që ka bërë kjo shoqatë. Jemi munduar, që t`ia lëjmë gjeneratave të reja që po vijnë e që do të vijnë, një dokument të vërtetuar në libër, se të parët e tyre, duke sakrifikuar gjithçka, nuk janë ndalur për të ruajtur gjuhën amtare, historinë, kulturën e traditën kombëtare dhe njëherit, për të kontribuar për vendin e të parëve, për ate vend të bekuar siç është Medvegja. Mbetemi me shpresë, se herë do kur, do na vish në Medvegjë, por më kryesorja, je e do të mbetesh mik i madh i medvegjasëve. Të faleminderit shumë". Edhe Dr.Halili dhe Mr.sci.Dashnim Hebibi, falënderuan ambasadorin Elezi për punën që ka bërë dhe nga i cili kanë qenë të mirëpritur gjithmonë. Takimi ishte i përzemërt dhe natyrisht, nuk munguan edhe emocionet në ndarje, atëherë, kur u përqafuan, si e do zakoni shqiptarë, për tu takuar përsëri, e për të uruar gjita të mirat.
Dy fjalë:
Mehmet Elezi është publicist, shkrimtar, gjuhëtar, pedagog dhe diplomat shqiptar. Që prej vitit 2006 është ambasador i Republikës së Shqipërisë në Zvicër. U lind më 16 maj 1949, në Tropojë, Shqipëri. Është diplomuar në Universitetin e Tiranës (1971) për gjuhë e letërsi shqipe dhe më pas është specializuar për filozofi (1978-1979). Ka punuar si gazetar dhe drejtues në shtypin qendror shqiptar, drejtues i organizatës së Rinisë, gazetar i lirë (opinionist), pedagog (i jashtëm) në Universitetin e Tiranës në departamentet e filozofisë e të gazetarisë, drejtor i një qendre joqeveritare studimesh (Instituti i Studimeve Ndërkombëtare e Strategjike, themeluar prej tij më 1994, i pari i këtij lloji në Shqipëri) dhe diplomat. Që nga 2006 është ambasador i Republikës së Shqipërisë në Konfederatën Zvicerane (Bernë).
Ambasadori i Republikës së Shqipërisë Mehmet Elezi, më 17 Nëntor 2013, përfundoi misionin si ambasador në Konfederatën Zvicerane e në Principatën e Liechtensteinit dhe kthehet në Tiranë.
Mesazhi i ambasadori Elezi:
"Ishte nder dhe kënaqësi e veçantë për mua të përfaqësoj Shqipërinë në një vend të zhvilluar, demokratik e miqësor si Zvicra. Dëshiroj të falënderoj përzemërsisht shqiptarët dhe qytetarët me prejardhje shqiptare që punojnë e jetojnë në Zvicër, për bashkëpunimin e shkëlqyer me ambasadën gjatë këtyre viteve. Kemi pasur mirëkuptim të plotë për domosdoshmërinë e integrimit të shpejtë në shoqërinë zvicerane, duke përfituar sa më shumë prej vlerave të kësaj shoqërie dhe duke kontribuar për lulëzimin e mëtejshëm e pasurimin kulturor të saj. Dhe po ashtu për domosdoshmërinë e ruajtjes së gjuhës shqipe e të vlerave kombëtare shqiptare, që përbëjnë pjesë autentike në mozaikun e shumëngjyrshëm të kulturës e qytetërimit europian, thekson ambasadori Elezi në përshëndetjen e tij". Legjenda e fotove: Pamje nga takimi me ambasadorin Elezi, që ia bëri kryesia e SHH "Medvegja", të shoqëruar nga Dr. Llukman Halili dhe D. Hebibi.
Përgatiti: Dashnim Hebibi, Bern
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 32 vizitorë |
| Lexuar:
911 herë
|
|
|
|
|
|
|
|
|
| |
| Duam Përgjegjësi |
E mart, 23 mars 2021 - 21:08
Isha duke e shikuar mbrëmë një intervistim të një ish Komandanti të Ushtrisë Çlirimtare të Kosovës, madje mund të thosha për atë kohë,edhe le... |
| 40 vjetori i të diplomuarëve të parë të ... |
E diel, 21 mars 2021 - 15:45
40 vjetori i të diplomuarëve të parë të Fakultetit të Stomatologjisë, Dr. Drita Mulliqi Përteshonit dhe Hajdar Përteshonit
Poliklinika 3L, hist... |
| NUK MË DHIMSEN KËTO VITE TË JETËS SIME, Q... |
E enjt, 18 mars 2021 - 00:04
JAM NË VITIN E 50-të, TË VUAJTJEVE TË JETËS SIME DHE, PO I ARRIJ TË SHTATËDHJETAT! PO, A E DINI SE, PO VUAJ JO NGA NATYRA E AS NGA ZOTI, POR, PO VUA... |
| NJË KËRKESË IMJA SPONTANE PËRBALLË PROFE... |
E merkur, 10 mars 2021 - 20:01
Lajm i hidhur qe për mua dhe jo vetëm për mua, vdekja fizike e profesorit të nderuar atdhetar, Zejnullah Gruda!
Profesorin e nderuar, pata fatin që t... |
më shumë nga - Të ndryshme » |
|
|
|
|
|
