| Sami Islami: Poezi për fëmijë |
| Publikuar më 20 mars, 2014 në orën 20:10 ( ) |
Sami Islami | Kulturë | |
|
|
|
.
AVIONI QË SHKON NË KOSOVË
N’ Londër ditë pranverore
Gjyshi me Klenë përdore
Dolën në park, në sheti
Për t’shijuar këtë bukuri
Në këndin e lojërave qysh n’ agim
Gumëzhinin fëmijët plot gëzim
Sa në rrëshqitëse, sa në litarë
Dukeshin si t’ ishin vu në garë
Klea hulajat* i ka dëshirë
Në njërën u rehatua mirë e mirë
Sa herë gjyshi e koloviste
-“Urra, gjyshi” brohoriste!
Pastaj u ul në stol të pushonte
Dukej sikur diç mendonte
Dhe sa hodhi sytë n’lartësi.
Vërejti një avion në kaltërsi
-Shiko, shiko, gjysh një avion
A po e sheh sa lart fluturon?
-Po po e shoh zemër sikur ti
Po ku po shkon ti, a mos e di?
-Po, tha Klea, e di se ku shkon?
Se xhaxhi pilot mua më tregon!
N’Kosovë po shkon si shigjetë
Gjyshin e gjyshen m’i përshëndetë!
*Kolovajzat
Londër, 16. 03. 2014
ENDE PO BJEN SHI
Kur babi shkon në punë
E mami në qytet
Kiana do të qëndojë
Një kohë te gjyshi i vet.
E gjyshi për ta kënaq
Me të futet në garë
Gjyshja bëhet mësuese
Gjyshi e Kiana shkollarë
Në këtë lojë ky gjyshi
S’mblodhi asnjë pikë
Kurse Kiana renditi
Gjithë pesa n’ matematikë
Një ditë gjyshi po luante
Me mbesen një lojë të re
Po e imagjinonin shiun
Se si po binte rrëke
Kiana u struk në një qoshe
Tek këndi nën vitrinë
E gjyshi çfarë bëri?
U fut nën tavolinë!
Loja mbaroi- thotë Kiana
Dil gjysh, aty mos rri!
Jo, i thotë gjyshi bindshëm
Se ende po bjen shi!
LABI NUK MË FOLI
Mbesa ime Klea,
Gjithmonë është me gaz
Por një ditë më erdhi
Disi plot maraz.
-Ç’ke që je hidhëruar,
Klea moj bjondinë?
E pyeta unë menjëherë,
Kur m’erdhi në kuzhinë.
-Jam mërzitë se Labi
Kur e ftova në lojë
Ai e mbylli derën,
S’më foli me gojë!
Po ku ishe, të pastë gjyshi,
Ti o yll i dritës?
Po luaja me lodra,
Aty në dhomë të ditës!
Londër, 12. 12. 2013
S’PO KUPTOJA ANGLISHT
Unë jam Klea, e shihni sa jam rritë!
Tani dua t’ shkoj dhe n’ qerdhe për ditë.
Se tash u “rrita” i mbusha më tre vjet.
Kam nisë të mësoj dhe si t’vishem vetë.
Ditën e parë kur shkova në qerdhe,
Mësuesja më tha: “Klea mirëserdhe!”
Ishim plot fëmijë t’gëzuar shend e verë,
Me fytyra të qeshura si dielli në pranverë!
E shikonim mësuesen me përkushtim,
Pse unë s’e kuptoja s’ishte faji im!
Ajo s’di ç’më tha: “Do lëng, qumësht, më thuj’!”
Unë i fola shqip: “Të lutem pak ujë”!
U mërzita shumë mamin tim duke e pritë,
Ora e parë, m’u “zgjat” m’u bë sa një ditë!
Fëmijët e tjerë luanin vraponin skaj më skaj,
Unë, nga që s’dija të flisja, ia nisa të qaj…
Një ditë erdhi gjyshi tek ne në shtëpi,
E dëgjova kur mami i tregonte këtë histori.
-Pse ke qarë Klea më tha gjyshi intimisht?
-Po, qava gjyshi, se s’po kuptoja anglisht!
|
Vërëjtje: Artikujt e botuar në albaniapress.com nuk shprehin domosdoshmërisht mendimet e stafit moderues! |
| Vlerësimi juaj për lajmin |
 |
|
|
|
|
| I keq |
I dobët |
I mirë |
Shumë i mirë |
I mrekullueshëm |
|
|
|
|
|
|
|
| |
|
| Është vlerësuar nga 34 vizitorë |
| Lexuar:
1,252 herë
|
|
|
|
|
|
|
|
|
| |
| NDËRMJETËSIME LETRARE |
E mart, 13 prill 2021 - 22:06
Shtëpia Botuese “ARMAGEDONI”, në prishtinë nxori nga botimi librin: “NDËRMJETËSIME LETRARE – për krijimtarinë e Arif Molliqit”, me autor S... |
| Ja çfarë mendonte Faik Konica për Shqipër... |
E premt, 09 prill 2021 - 00:54
Kush më mirë se Faik Konica mund të perifrazojë shqiptarët ashtu siå ato ishin dhe janë. Ai ishte jo vetëm një nga njerëzit më të ditur dhe më... |
më shumë nga - Kulturë » |
|
|
|
|
|
