|
Tirana respektoi Republikën e Turqisë ashtu si Ankaraja Republikën e Kosovës
Historia shënon.Dhe po kujtojmë se si e respektoi Turqia pavarësinë e Kosovës shqiptare: “Me rastin e 12-të vjetorit të Pavarësisë së Republikës së Kosovës, simboli i kryeqytetit të Ankara-së, Atakule, u ndriçua me ngjyrat e flamurit të Kosovës
Po ashtu me rastin e 12-vjetorit të Pavarësisë së Kosovës, u ndriçuan edhe dy urat e njohura të Stambollit. Dhe askush ne Turqi nuk kritikoi autoritet turke për këtë veprim të jashtëzakonshëm respekti për shqiptarët dhe për Republikën e Kosovës, pasi edhe turkofobët shqipfolës e dine se Kosova është Shqipëri, pjesë e saj. Këtë respekt të Turqisë nuk mund ta shikoni kurrë as në Paris, as Romë, as Londër, as në Berlin dhe jo më në Athinë apo Moskë. Por këtë e bëjnë autoritetet e shtetit turk.Dhe për këtë arësye edhe Tirana respekton Festën e Republikës së Turqisë.
Pra, Tirana, kryeqyteti amë i të gjithë shqiptarëve me rastin e 97 vjetorit të Republikës së Turqisë, në respekt të aleatit strategjik të shqiptarëve, të shtetit e të popullit mik turk në një prej shesheve të Tiranës u projektua një flamur i madh turk në murin e Universitetit Politeknik të Tiranës.
Turqia festoi këtë vit 97 vjetorin e Republikës, të shtetit modern turk.Turqia sot, supershtet dhe fuqi globale ekonomike, politike dhe ushtarake.
Turqia prej 68 vitesh antare besnike e alencës më të madha ushtarake e NATO-s dhe forca e dytë ushtarake e saj pas SHBA-ve.
 Ura e Bosforit dhe Kulla Atakule, simboli i Ankarasë, ndricuar me ngjyrat e flamurit të Republikës së Kosovës
Në tre 3 vitet e fundit Turqia është donatori i parë në botë që shpenzon dhe dhuron më shumë se cdo shtet tjetër në botë ndihma humanitare.
Shteti turk sot po përballon terrorizmin si dhe krizën e refugjatëve që ikin nga lufta në Siri, ku në Turqi janë mirëpritur dhe stehuar mbi 4 milion refugjatë sirianë.
Turqia është aleat strategjik i shqiptarëve, e cila ka ndihmuar dhe përkrahur shtetndërtimin si në Shqipëri dhe në Kosovë, është kontribuesja e dytë pas SHBA-ve në bombardimet e NATO-s kundër ish-Jugosllavisë; është njohësja e dytë e pavarësisë së Kosovës pas SHBA-ve, si dhe lobuesja e dytë po pas SHBA-ve për njohjet ndërkombëtare të Kosovës. Dhe prandaj si shteti dhe politika e lartë në Shqipëri dhe në Kosovë si dhe populli shqiptar i janë mirënjohës Turqisë.
Këto janë të vërteta të pranuara e të deklaruara jo vetëm nga Turqia por edhe nga politika, politikanë e shtetarë botërorë dhe nga politikanë e personalitetet më të larta shtetërore të Shqipërisë e të Kosovës.
Skënder Sadri KAPITI
 Flamuri turk në murin e Universitetit Politeknik të Tiranës |
